Thursday, November 26, 2009

కూడలి కబుర్లు - అంతర్జాతీయ బ్లాగర్ల సమావేశం

కూడలిలో కబుర్లు అనే ఆప్షన్ ఉంది చూసారా? బ్లాగర్లు ఎవరికీ వారు బ్లాగులు రాసుకుంటూ ఉన్నారు.హ్యాపీస్. కాని ఒకరికొకరు కామెంట్ల ద్వారానే పరిచయం, ముచ్చట జరుగుతుంది. కాని బ్లాగర్లు ఒక చోట చేరి చెప్పుకోవడానికి ఒక వేదిక కూడలి కబుర్లు. బ్లాగులకు సంబంధించిన సమస్యలైనా, మీ టపాలకు సంబందించిన సలహాలు, చర్చలు ఇక్కడ చేయవచ్చు. ఎవరికీ వీలైన సమయంలో వారు వచ్చి ఇతరులకు కూడా సాయం చేయవచ్చు.



మరి ఈ కబుర్లు ఎక్కడ? ఎలా ? అంటారా? ఇది కూడలి కబుర్లు చిరునామా. http://chat.koodali.org/ ఈ చిరునామాకు వెళ్లి మీపేరు ఇచ్చి లోపలకు వెళ్లండి. కబుర్లు మొదలెట్టండి. కబుర్లకు ఒక ప్రాంగణం ఉంది కదా అని ఎవరైనా అసభ్యంగా ప్రవర్తిస్తే వాళ్లను నిషేదించబడతారు. వారి ఐ.పి అడ్రస్ తో కంప్లెయింటు చేసే సదుపాయం నిర్వాహకులకు ఉంది. ఈ సదుపాయం దుర్వినియోగం కాకూడదనే సదుద్దేశ్యంతో ఈ ఏర్పాటు చేయబడింది.

ముఖ్య ప్రకటన ::

ప్రతి సంవత్సరం డిసెంబర్ రెండవ ఆదివారం బ్లాగర్ల దినోత్సవం గా జరుపబడుతుంది. అది హైదరాబాదులో ఘనంగా ఏర్పాటు చేయబడి, హైదరాబాదులో ఉన్నా బ్లాగర్లు వ్యక్తిగతంగా కలిసే అవకాశం కూడా ఈ సందర్భంగా కలుగుతుంది. కాని వేర్వేరు రాష్ట్రాల్లో, దేశాల్లో ఉన్న తెలుగు బ్లాగర్ల సంగతేంటి ? అందుకే ఈ కూడలి కబుర్ల ప్రాంగణంలో అంతర్జాతీయ తెలుగు బ్లాగర్ల సమావేశం నిర్వహించబడుతుంది. గత సంవత్సరం విశేషాలు చూడండి.

ఈ సంవత్సరం డిసెంబర్ రెండవ ఆదివారం 13.12.09 హైదరాబాదులో బ్లాగర్ల సమావేశం నిర్వహించబడుతుంది.దానికి బ్లాగర్లు, చదువరులు, తెలుగు భాషాభిమానులు హాజరు కావొచ్చు.

అలాగే డిసెంబర్ నెలలో రెండవ శనివారం 12.12.09 కూడలి కబుర్లలో సాయంత్రం ఆరు గంటలకు (భారతీయ కాలమానం ప్రకారం) అంతర్జాతీయ తెలుగుబ్లాగర్ల సమావేశం ఏర్పాటు చేయడమైనది. అందరూ హాజరు కాగలరు.

1 వ్యాఖ్యలు:

కొంచెం మానవత్వం said...

E samaavesam yekkada jarugutundi daani samaachaaram yela telstundi?

Post a Comment