Tuesday, August 24, 2010

మాలిక ... తెలుగు బ్లాగుల సంకలిని




ఇటీవల మొదలైన మరో తెలుగు బ్లాగుల సంకలిని మాలిక. బ్లాగులలో ప్రచురించబడ్డ టపాలు, వ్యాఖ్యలు చాలా వేగంగా ఈ సంకలినిలో ప్రత్యక్షమవుతాయి. ఇదే ఈ మాలిక ప్రత్యేకత. అనతికాలంలోనే అత్యంత బ్లాగు ప్రజాదరణ పొందిన మాలిక గురించి మరిన్ని విశేషాలు తెలుసుకుందాం.


మాలిక ఓపన్ చేయగానే ముందుగా ఆకర్షించేది అందమైన ఫోటో పక్కనే వెబ్ పత్రిక వివరాలు. ఫోటోలు,వాటిని తీసిన బ్లాగర్ వివరాలు అన్ని పేజీలలో కనబడతాయి. ఈ ఫోటోలతో పాటు వెబ్ పత్రికలు కూడా అన్నిపేజీల్లో వస్తాయి.మాలికలో కనబడే వెబ్ పత్రికల టపాలు "రియల్ టైమ్" లో వస్తాయి. అంటే, అక్కడ వాళ్ళు ప్రచురించిన వెంటనే ఆలస్యం లేకుండా ఇక్కడ కనబడతాయి. ఇంతేకాక, మీరు రీలోడ్ చేసిన ప్రతిసారి పేజీలోని ఫోటో, వెబ్ పత్రికలు మారిపోతూ ఉంటాయి.




మాలికలోని టపాల పేజి క్లిక్ చేయగానే వివిధ బ్లాగుల్లో ప్రచురించబడిన కొత్త టపాల వివరాలు కనిపిస్తాయి. వాటి లంకెలు పట్టుకుని సదరు బ్లాగుకు వెళ్లవచ్చు. టపా రాసిన ఐదు నిమిషాలలోపల మాలికలో కనిపిస్తుంది.



మాలికలో ఉన్న మరో ఫీచర్ వ్యాఖ్యలు.. వివిధ బ్లాగు టపాలకు చదువరుల స్పందన ఇక్కడ చూడవచ్చు. ఈ వ్యాఖ్యలు మొత్తం మాలికలోనే చూడవచ్చు.


మాలికలో తెలుగు ఫోటో బ్లాగులకు ప్రత్యేకమైన విభాగం కేటాయించారు. అందమైన చిత్రాలతో కళకళలాడే బ్లాగులు ఇక్కడ చూడండి.


మీ బ్లాగు ప్రారంభించగానే అందరికి తెలియజేయాలనుకుంటే వెంటనే ఇక్కడ వివరాలు చూడండి. ఎటువంటి బ్లాగులు అనుమతిస్తారో మాలిక నిర్వాహకులు ఖచ్చితంగా చెప్తున్నారు..




బ్లాగు టపాల్లా పెద్ద పెద్ద వ్యాసాలు రాసే ఓపిక, ఆసక్తి లేనివారు ఇక్కడ కేక పెట్టొచ్చు అంటున్నారు. మీ పని చేసుకుంటూనే ఇక్కడ ముచ్చట్లాడుకోండి మరి..

Monday, August 23, 2010

వర్డ్ లో తెలుగు రావట్లేదా?

కంప్యూటర్లోగాని, బ్లాగులోగాని తెలుగు రాయడానికి చాలామంది బరహా వాడుతున్నారు. కాని వర్డ్ డాక్యుమెంట్ లో తెలుగులో రాయలేకుండా ఉన్నాం. తెలుగు మ్యాటర్ అంతా చిన్న చిన్న డబ్బాలుగా కనిపిస్తుంది అని, అలాగే ఏదైనా నచ్చిన బ్లాగులలోని మ్యాటర్ ని కాపీ చేసి వర్డ్ లో సేవ్ చేసుకుందామన్నా ఇలాగే డబ్బాలుగా వస్తుందని చాలామంది కంప్లెయింట్ చేస్తున్నారు.

దానికో పరిష్కారం ఉంది. ముందు మీ కంప్యూటర్లో తెలుగు ఎనేబుల్ చేసి ఉందా చెక్ చేసుకోండి. తరవాత Wordలోని Format మెనూలో Styles and Formatting అనే ఆప్షన్ ని క్లిక్ చేసిన వెంటనే కుడిచేతి వైపు ప్రత్యక్షమయ్యే విభాగంలో New Style అనే బటన్ ని క్లిక్ చేయండి. ఆ తర్వాత ప్రత్యక్షమయ్యే బాక్సులో Formatting అనే బాక్స్ వద్ద Gautami అనే ఫాంట్ ని సెలెక్ట్ చేసుకోవాలి. తర్వాత అదే బాక్స్ లోనే Add to Template అనే ఆప్షన్ టిక్ చేసి పెడితే ఇకపై Styles మెనూలో Style1 పేరిట ఆ కొత్త స్టైల్ వస్తుంది. ఇక ఎప్పుడు తెలుగులో టైప్ చేయాలన్నా ఆ కొత్త స్టైల్ ని ఎంచుకుంటే సరిపోతుంది. తెలుగు నేరుగా వచ్చేస్తుంది. ఇదే కాక క్రింద వీడియోలో చెప్పినట్టు కూడా చేయవచ్చు. ఈ వీడియో తయారు చేసింది శ్రీ నల్లమోతు శ్రీధర్ గారు.





వర్డ్ 2007 లో తెలుగు డబ్బాలుగా కనిపిస్తుందా? ఐతే ఇలా ప్రయత్నించి చూడండి.. వర్డ్ 2007 లో తెలుగు