బ్లాగులో టపా రాసారు ..పబ్లిష్ చేసారు. మళ్ళీ ఏదైనా మార్పులు , చేర్పులు చేయాలనుకుని ఆ టపా తెరిచి పని చేస్తుండగా అది డిలీట్ ఐంది. కష్టపడి రాసారు. మళ్ళీ రాయాలంటే కష్టం. అన్నీ పాయింట్లు గుర్తుండవు మళ్ళీ రాద్దామంటే. పెద్దగా కూడా ఉంది. వర్డ్ లో కూడా దాచుకోలేదు. ఎలా . బాధగా ఉంటుంది కదా. పోయిన టపాను వెనక్కి తిరిగి తెచ్చుకోగలమా? అంటే... తెచ్చుకోగలం..
బ్రౌజర్ లో కొత్త ట్యాబ్ తెరవండి. అప్పుడు కంట్రోల్ హెచ్ (Ctrl H ) క్లిక్ చేస్తే పైన చూపించినట్టుగా ఒక టేబిల్ తెరుచుకుంటుంది. అందులో మీరు ఆ రోజు, రెండు రోజులు,వారం రోజులు మీ కంప్యూటర్లో చేసిన పనులన్నీ ఉంటాయి. మీకు కావలసిన తేది,సమయం చూసుకుని అది ఓపెన్ చేస్తే మీరు డిలీట్ చేసిన టపా కూడా ఉంటుంది . అది కాపీ చేసి సేవ్ చేసుకోండి. ఇందులో బ్లాగు టపాలే కాదు. వేరే అంశాలు కూడా తిరిగి తెరుచుకోవచ్చు. తెచ్చుకోవచ్చు. ఐతే యిపుడు హ్యాపీనా. ఎప్పుడైనా బ్లాగు టపా ఎగిరిపోతే ఇలా తిరిగి పట్టుకోండి..
