కినిగెలో పుస్తకాలు కొనండి "లా"

రాన్రానూ ప్రింట్ పుస్తకాలన్నీ కూడా ఎలక్ట్రానిక్ సోయగాలతో ఈ బుక్స్ గా మారిపోతున్నాయి. కినిగె వాటికి మరింత ప్రాచుర్యం కల్పించి దేశవిదేశాల్లో ఉన్న తెలుగు పుస్తక ప్రియులకు ఎన్నో పుస్తకాలను ఈ బుక్స్ గా మార్చి కొనుక్కొవడానికి, అద్దెకు తీసుకోవడానికి, బహుమతిగా ఇవ్వడానికి అందుబాటులో ఉంచింది..

నాకైతే పుస్తకాలను కంప్యూటర్లో చదవడం అస్సలిష్టం ఉండదు. హాయిగా పుస్తకం పట్టుకుని సోఫాలో తీరిగ్గా కూర్చుని పక్కన పకోడీలో, పునుకులో పెట్టుకుని ఒక్కోటి నములుతూ ఒక్కో పేజి తిప్పుతూ అందులో లీనమైపోయి చదవడం చాలా ఇష్టం. ఏదైనా పని ఉంటే పుస్తకాన్ని చదువుతూనే వెళ్లొచ్చు. వేరే రూమ్ లో కాని, వంటింట్లో కాని చదువుకోవచ్చు.. అస్తమానం కంప్యూటర్ ముందు కూర్చోవాలంటే కుదరదు కదా.. అందుకే కినిగె వారు నాలాటి వారికోసం, అచ్చు పుస్తకాలను కూడా అందుబాటులో ఉంచుతున్నారు వీటిని ఇంటినుండే ఆర్డర్ చేసి కొనుక్కోవచ్చు, మిత్రులకు, హితులకు బహుమతిగా కూడా ఇవ్వొచ్చు. అప్పుడప్పుడు పుస్తకాలమీద డిస్కౌంట్ కూడా ఇస్తున్నారు కినిగెవారు. మరి ఈ  ప్రింట్ పుస్తకాలను ఎలా కొనుగోలు చేయాలో వివరంగా చూద్దాం..

ముందుగా కినిగె సైట్ ఓపన్ చేయండి.. http://kinige.com/  ఇందులో print books, ebooks  ఆప్షన్స్ ఉంటాయి. అందులో print books  సెలెక్ట్ చేసుకోండి. ఒకేసారి ఎన్ని పుస్తకాలైనా తీసుకోవచ్చు. నేను రెండు పుస్తకాలకు ఆర్డర్ పెట్టాను.

కినిగె సైట్లో ఉన్న ప్రింట్ పుస్తకాలన్నీ చెక్ చేసుకుని మీకు నచ్చిన పుస్తకాన్ని లేదా  పుస్తకాలను సెలెక్ట్ చేసుకోండి..

మీరు ఒకటి లేదా రెండు పుస్తకాలు తీసుకునే బదులు ఎక్కువ పుస్తకాలు , కాస్త ఎక్కువ ధర పలికేవి తీసుకుంటే మీకు రవాణా చార్జీలు గిట్టుబాటు అవుతాయి..ఇప్పుడు నేను రెండు పుస్తకాలను సెలెక్ట్ చేసుకున్నాను. ఎప్పటికప్పుడు పుస్తకాలను సెలెక్ట్ చేసుకుని పైన cart (బండిలో)  పడేయండి.

అన్నీ ఎంపిక అయ్యాక cart ని క్లిక్ చేస్తే మీరు తీసుకోవాలనుకున్న పుస్తకాల పేర్లు, డిస్కౌంట్ తర్వాత వాటి ధరలు, రవాణా చార్జీలు కలిపి మొత్తం అమౌంట్ వస్తుంది. క్రింద మీ పుస్తకాలను  పంపాల్సిన చిరునామా ఇచ్చి ఆ సొమ్ముకు రీచార్జ్ చేయాలి.

 ఆ తర్వాత బిల్లింగ్  చిరునామా వివరాలు ఇచ్చి సబ్మిట్ చేయాలి.

ఇప్పుడు మీరు ఆన్లైన్లో పుస్తకాల అమౌంట్ ను క్రెడిట్ కార్డ్, డెబిట్ కార్డ్, నెట్ బ్యాంకింగ్ ద్వారా కట్టవచ్చు.

డబ్బులు కట్టేసారుగా. మళ్లీ కినిగె సైటుకు రావాలి. ఇక్కడ మీ వివరాలన్ని చెక్ చేసుకుని Cart (బండి) దగ్గరకు వెళ్లి మీ పుస్తకాలకు ఆర్డర్ పూర్తి చేయాలి. అంటే ముందు డబ్బులు కట్టేసారు. ఇప్పుడు ఆర్డర్ పెడుతున్నారన్నమాట..

పైనల్ గా వివరాలు, చిరునామా చెక్ చేసుకుని ఆర్డర్ పెట్టేసేయండి. దాని వివరాలు మీ మెయిల్ కు కూడా వస్తాయి. ఎటువంటి ఆటంకాలు (పండగలు, సెలవులు, బందులు, సమ్మెలు) లేకుంటే  మీ పుస్తకాలు   ఐదురోజుల లోపల  మీ ఇంటికే వచ్చేస్తాయి. హైదరాబాదులో ఉండేవారికి  ఇంకా కొంచెం త్వరగా వస్తాయి..

ఇదిగోండి నేను ఆర్డర్ చేసిన పి. సత్యవతిగారి పుస్తకాలు భద్రంగా పాకింగ్ చేయబడి ,రెండు రోజుల్లో నా చేతిలో ఉన్నాయి.

మీకు క్రెడిట్, డెబిట్ కార్డులు లేవు, నెట్ బాంకింగ్ తెలీదు అంటారా? మీ స్నేహితులు సాయం తీసుకోండి.. ఇంకా మీకు ఎటువంటి సందేహాలు, సమస్యలున్నా ఈ చిరునామాకు మెయిల్ పెట్టండి.  support@kinige.com..

మరో విషయం మీరు ఈ పుస్తకాలను బహుమతిగా కూడా పంపవచ్చు.
kinige.com --> login --> profile --> send gift


 పుస్తకాన్ని మించిన , విలువైన బహుమతి ఏముంటుంది..

యూనికోడ్ ఫాంట్లు / ఖతులు

అంతర్జాలంలో మనమంతా రాసేది యూనికోడ్ లో.అసలు ఈ యూనీకోడ్ అంటే ఏంటి? అంటే ఇక్కడ చూడండి.. యూనీకోడ్

మన కంప్యూటర్లో అందరికి తెలిసిన ఫాంట్ లేదా ఖతి గౌతమి మాత్రమే. ఇది విండోస్ వాడేవారికి డీఫాల్టుగా ఉంటుంది. అను సాఫ్ట్ వేర్ లో ఎన్నో అందమైన ఖతులు ఉన్నాయి కాని అవి మనం వాడలేము. కాని కొందరు ఔత్సాహికులు యూనికోడ్ లో వాడుకోవడానిక అనువుగా కొన్ని ఖతులు తయారు చేసారు. వీటిని ఉచితంగా డౌన్లోడ్ చేసుకుని మన సిస్టమ్ లో వేసుకుంటే మనం రాసుకున్న డాక్యుమెంట్ , పేర్లు, ఇంగ్లీషులోలాగే దాని ఫాంట్/ఖతి మార్చుకోవచ్చు.. మరి ఇవి ఎక్కడ లభిస్తాయి అంటారా?? క్రింద లింకులు చూడంఢి..

గౌతమి  : http://www.microsoft.com/typography/fonts/font.aspx?FMID=1570 

పోతన : http://www.kavya-nandanam.com/dload.htm.old

వేమన : http://www.kavya-nandanam.com/dload.htm.old

లోహిత్ తెలుగు : https://fedorahosted.org/releases/l/o/lohit/lohit-telugu-ttf-2.5.0.tar.gz


జిస్ట్ ఖతులు : http://www.aponline.gov.in/APPortal/TeluguSoftware/GIST-TT-Fonts/Installer.rar

వజ్రం : http://kinige.com/fonts/vajram/

 స్వర్ణ : http://kinige.com/kbook.php?id=1245&name=Suravara+Swarna+free+Telugu+Unicode+font


కొన్ని ఖతుల అందచందాలు పైన చిత్రంలో ఉన్నాయి చూడండి. జిస్ట్ ఖతులలో అమ్మ, అమృత, ఆత్రేయ, చందన,  ద్రౌపది, గోల్కొండ, కృష్ణ, మను, మేనక, పావని,  ప్రియ, రజని, సంజన, సితార, స్వామి, వెన్నెల మొదలైనవి ఉన్నాయి. ఇవి కూడా ఉపయోగించుకోవచ్చు.

ఇక ఈ ఫాంట్స్, ఖతులు ఎలా దింపుకుని మన కంప్యూటర్లో నిక్షిప్తం చేసుకోవాలో చూద్దాం

1. ఈ లింకులను క్లిక్ చేసి ఆయా ఫాంట్లను డౌన్లోడ్ చేసి మీ సిస్టమ్లో ఒక చోట సేవ్ చేసుకోంఢి. జిప్ చేసి ఉంటే అన్ జిప్ చేసుకోండి..

2. మీ కంప్యూటర్లో  "Start " బటన్ ద్వారా "Control Panel"  లోకి వెళ్ళండి. అక్కడ "Fonts"  అనే ఎంపిక మీద మౌస్ డబల్ క్లిక్ చేయండి.

3. ఇంతకుముందు దింపుకున్న పాంట్లను (True Type Fonts) కాపీ చేసుకుని ఈ "Fonts" లో సేవ్ చేయండి.. అంతే కొత్త ఫాంట్స్/ ఖతులు మీ కంప్యూటర్లోకి వచ్చేసినట్టే..

4 మీకు కావల్సిన అప్ప్లికేషన్‌లో మిగతా ఖతులతో పాటు నూతన ఖతి కూడా ఉంటుంది.

               

చాలా ఈజీగా ఉంది కదా.. ఇంకెందుకు ఆలస్యం. తెచ్చేసుకోండి కొత్త ఖతులు..

Skype - ఎలా ఉపయోగించుకోవాలి??

Skype యిపుడు ఇంటర్నెట్ వాడేవారందరూ ఉపయోగించే మాట . సదుపాయం. ఎవరికైనా కాల్ చేసి మాట్లాడాలంటే ఫోన్ చార్జెస్ పడతాయి. లోకల్ అంటే తక్కువే కాని వేరే ఊర్లలో, రాష్ట్రాలలో , దేశాలలో ఉన్నవారితో ఫోన్లో మాట్లాడాలంటే బిల్లు పేలిపోతుంది. దానితో మన స్నేహితులు, బంధువులతో తరచూ మాట్లాడాలంటే భయమేస్తుంది తర్వాత వచ్చే బిల్లును తలచుకుంటే. కాని ఇంటర్నెట్ ద్వారా చాలా సులువుగా, ఖర్చు లేకుండా ఎంతసేపైన మాట్లాడుకోవచ్చు. ఒకేసారి ఒకరితో కాకుండా నలుగురైదుగురు కలిసి గ్రూప్ గా మాట్లాడ్డం, లేదా చర్చించడం చెయొచ్చు. ఇద్దరికి Skype అకౌంట్ ఉంటే ఫ్రీగా ఎన్ని గంటలైనా మాట్లాడుకోవచ్చు. అలాగే చాలా తక్కువ సొమ్ముతో లాండ్ లైన్, మొబైల్స్ కి కూడా కాల్ చెయొచ్చు... అంటే కాదండోయ్.. International Toll Free Numbers కి కూడా ఉచితంగా కాల్ చేసి ముచ్చట్లేసుకోవచ్చు.. ఎలాగంటారా?? అది ఎలాగో చూద్దాం..


ముందుగా Skype సైట్ కి వెళ్ళి ఆ సాఫ్ట్వేర్ డౌన్లోడ్ చేసుకోవాలి. http://www.skype.com/intl/en/home


ఈ సాఫ్ట్వేర్ డౌన్లోడ్ అవ్వడానికి కొంచం టైం పడుతుంది ఖంగారు పడకండి.. మొత్తం డౌన్లోడ్ అయ్యాక install చేసుకోండి.




ముందుగా మీరు కనెక్ట్ చేసిన హెడ్ ఫాన్స్, మైకు, స్పీకర్స్ అన్ని సరి చూసుకోండి. ఇక తర్వాత రంగంలోకి దిగడమే..

ఆ తర్వాత Skype లో మీకంటూ ఓ అకౌంట్ క్రియేట్ చేసుకోండి.



యిపుడు మీ desktop మీద Skype బొత్తాం (icon) కనిపిస్తుంది. దాని మీద క్లిక్ చేసి మీరు క్రియేట్ చేసుకున్న ఐడి, పాస్వర్డ్ తో లాగిన్ అవ్వండి.




లాగిన్ అయ్యారుగా ఇక మీ స్నేహితులను ఒక్కొక్కరిని ఆడ్ చేసుకోండి.




అందరిని ఆడ్ చేసుకున్న తర్వాత ఇలా లిస్టు కనిపిస్తుంది. మీరు మాట్లాడాలనుకున్నవారితో అలుపొచ్చేదాకా మాట్లాడండి .

బ్లాగ్ ఎంట్రీపాస్ మార్చాలా?

బ్లాగు మొదలెట్టినపుడు ఒక మెయిల్ ఐడి ఇస్తాం కదా. అది జిమెయిల్ కావొచ్చు, యాహూ మెయిల్ లేదా రెడిఫ్ మెయిల్ కావొచ్చు. ఒక్కోసారి ఒకే మెయిల్ ఐడి తో ఎన్ని బ్లాగులైన మొదలెట్టవచ్చు అని తెలీక కూడా వేర్వేరు ఐడిలు క్రియేట్ చేసి బ్లాగులు ఓపన్ చేస్తుంటారు. (నేను మొదట్లో ఇలాగే చేసాను).. మనం జి మెయిల్ లో ఉండి యాహూ ఐడి తో ఉన్న బ్లాగు ఓపన్ చేయాలంటే వేరే బ్రౌజర్ లో ఓపన్ చేయాలి లేదంటే బ్లాగు ఓపన్ చేయగానే జిమెయిల్ ఎగిరిపోతుంది . ఒకటి కంటే ఎక్కువ బ్లాగులు ఉన్నపుడు వేర్వేరు బ్లాగులకు వేర్వేరు ఐడి పాస్వర్డ్ లు గుర్తుపెట్టుకోవడం కూడా కష్టమే. చిరాకేస్తుంది కూడా. అలాంటప్పుడు ఏం చేయాలి??.. దీనికి పరిష్కారం లేదా అంటే...

ఉంది కింద చెప్పినట్టుగా చేసి మీ బ్లాగులన్నీ ఒకే ఐడి గూటి కిందకు తెచ్చుకోండి..

ముందుగా మీరు మీ ఐడి తో మొదలెట్టిన బ్లాగు లో కి ప్రవేశించండి. లాగిన్ అయ్యాక settings > permissions క్లిక్ చేయాలి. అక్కడ బ్లాగుకు వేర్వేరు author లను ఆడ్ చేసే ఆప్షన్ కనిపిస్తుంది. అక్కడ మీ బ్లాగు లాగిన్ కి చేర్చాలనుకున్న మెయిన్ మెయిల్ ఐడి (gmail, yahoo , rediff) ఇచ్చి ఆహ్వానించండి.

మీ ఇతర ఐడి లోకి వెళ్ళితే ఇలా ఆహ్వానం ఉంటుంది అది అంగీకరించండి.

యిపుడు మీరు మార్చాలనుకున్న ఐడి కి మీ బ్లాగు చేర్చబడింది.


మళ్ళీ వెనక్కి రండి.. మీ పాత బ్లాగు ఐడి తో లాగిన్ ఐన పేజిలోని permissions పేజికి వెళ్ళి మీరు ఇచ్చిన ఇంకో ఐడి కి ఆడ్మిన్ హక్కులు ఇవ్వండి.



ఇప్పుడు ఒకసారి మీ మెయిన్ ఐడి తో లాగిన్ అయ్యి dashboard ఒకటికి రెండు సార్లు చెక్ చేసుకోండి. మీ బ్లాగు ఇక్కడికి క్షేమంగా చేరింది అని నిర్ధారణ అయ్యాక మొదటి మెయిల్ ఐడి పేజిలో ఆ ఐడి తీసేయండి. అంటే మీరు ఒకేసారి రెండు పేజీల్లో పని చేయాల్సి ఉంటుంది. ఒకేసారి చేయడం తికమకగా ఉంటే.. ఇలా అడ్రస్ మార్చాక రెండు రోజులు కొత్త మెయిన్ ఐడి తో లాగిన్ అయ్యి పని చేసుకోండి. తర్వాత పాత ఐడి తీసేయండి..

ఇలా మీరు వేర్వేరు ఐడి లతో ఉన్న బ్లాగులన్నీ ఒకే మెయిల్ ఐడి కి మార్చుకోవచ్చు.

పెన్ డ్రైవ్ ఎలా తయారు చేస్తారో తెలుసా??

మన రోజువారి కంప్యూటర్ ఉపయోగంలో పెన్ డ్రైవ్ చాలా ప్రముఖమైనది.. డేటా దాచుకోవడానికి, ట్రాన్స్ఫర్ చేయడానికి ఇది ఎంతో ఉపయోగపడుతుంది. ఈ చిన్ని పెన్ డ్రైవ్ అసలు ఎలా తయారు చేస్తారో తెలుసా.. ఈ వీడియో చూస్తే మీకే అర్ధమవుతుంది. మనకు సులువుగా అర్ధమయ్యేలా తెలుగులో వివరిస్తున్నారు శ్రీ నల్లమోతు శ్రీధర్..

బ్లాగులో నిశ్చల పేజీలు (static pages)

బ్లాగులో మామూలుగా టపాలు రాసి పబ్లిష్ చేస్తాము. కాని కొన్ని విషయాలు, టపాలు ఎప్పటికి కనపడేలా, కదలకుండా ఉండాలని అనుకుంటాము. వాటిని ఎలా సెట్ చేసుకోవడం. ప్రతీసారి ఆ పేజిని, సమాచారాన్ని వెతుక్కోవాలంటే కష్టం కదా. దానికోసమే బ్లాగులో పేజెస్ అనే సదుపాయం కల్పించబడింది. ఈ పేజీలలో మీకు కావలసిన, ముఖ్యం అనుకున్న సమాచారాన్ని పొందుపరచుకోవచ్చు. ఇది బ్లాగులో ఎప్పటికి కనిపిస్తూ ఉంటుంది. మీరు ఎన్ని వందల టపాలు రాసినా సరే. ఈ పేజిలలో మీ గురించి, మీ వృత్తి మొదలైన సమాచారం, మిమ్మల్ని సంప్రదించడం ఎలా మొదలైన అంశాలు ఈ పేజీలలో భద్రపరచవచ్చు. మీ బ్లాగు పాఠకులు ఆ పేజీలు క్లిక్ చేయగానే ఆ సమాచారం సులువుగా చదువుకునే అవకాశం ఉంటుంది. మరి ఆ పేజీలు ఎలా సృష్టించాలో తెలుసుకుందాం...

ముందుగా http://draft.blogger.com/ లో ఎప్పటిలాగే మీ వివరాలు ఇచ్చి లాగిన్ అవ్వండి. తర్వాత edit posts క్లిక్ చేస్తే పైన లా కనిపిస్తుంది కదా. అపుడు edit pages క్లిక్ చేయండి.


ఇప్పుడు new page క్లిక్ చేయండి. ఇక మీరు కొత్త పేజి తయారు చేసుకోవాలి .


ఈ పేజి మనం బ్లాగు రాసినట్టుగానే ఉంటుంది. కాని ఒక్కటే తేడా ఏంటి అంటే తేది, లేబిల్ లేదా వర్గం ఉండదు. బ్లాగు పోస్టు లాగే టైటిల్, కంటెంట్ రాసి పబ్లిష్ చేయండి. ఇందులో చిత్రాలు, లింకులు గట్రా ఇవ్వొచ్చు.


పబ్లిష్ చేసిన తర్వాత మన బ్లాగులో పైన ఇలా కనిపిస్తుంది. అందులో వేర్వేరు పేజీలను క్లిక్ చేస్తే అందులో ఉన్న సమాచారాన్ని చూడవచ్చు.



ఈ పేజీలు సృష్టించాక దాన్ని బ్లాగులో సైడ్ బార్ లేదా పైన హెడర్ కింద కాని, పోస్ట్ పైన కాని పెట్టుకోవచ్చు. ఆ పేజి ఎలిమెంట్ ని మనకు నచ్చినట్టుగా జరుపుకుని సేవ్ చేసుకోవాలి.



మీరు పేజీల లిస్టు చూసినపుడు ఇలా కనిపిస్తుంది. సుమారు పది పేజీల వరకు సృష్టించుకోవచ్చు. కావలసినపుడు edit , delete చేసుకోవచ్చు.


మీరు కాస్త సాంకేతిక నిపుణులు ఐతే ఈ పేజీలకు మార్పులు కూడా చేసుకోవచ్చు. ఇదిగో ఇలా..

మీ బ్లాగు లేబిల్స్ ని పేజీలుగా మార్చాలనుకుంటే ఇది ప్రయత్నించండి. నేను ట్రై చేయలేదు మరి..

బ్లాక్ కోట్స్ - Block quotes

బ్లాగులో మీరు రాసే మాటల్లో కొన్నింటిని హైలైట్ చేసి చెప్పాలనుకుంటారు. మీరు రాసే వ్యాసంలో కొన్ని వాక్యాలు ప్రముఖంగా కనిపించాలని ఉంటుంది. అప్పుడు మీరు ఆ వాక్యాలను కోట్స్ మధ్య పెట్టి , రంగు మార్చి , ఫాంట్ స్టైల్ మారుస్తారు.కాని మీరు టపా రాసేటప్పుడే ఆ భాగాన్ని Block quote అనే ఆప్షన్ ద్వారా ప్రముఖంగా హైలైట్ చేసి చూపించొచ్చు. అది ఎలాగో చూద్దాం..



వర్డ్ ప్రెస్ బ్లాగులో..

మీరు కొత్త టపా రాసేటప్పుడు పైన ఉన్న ఆప్షన్స్ చూడండి. మీరు హైలైట్ చేయాలనుకున్న భాగాన్ని సెలెక్ట్ చేసుకుని b-quote అనే బటన్ ని నొక్కండి.




మీరు ప్రముఖంగా చూపించాలనుకున్న భాగం ఇలా ఉంటుంది..




బ్లాగర్ బ్లాగులో :

మీరు కొత్త టపా రాసేటప్పుడు కావలసిన అంశాన్ని సెలెక్ట్ చేసుకుని పైన కనిపిస్తున్న quotes నొక్కండి. కావాలనుకుంటే ఈ భాగానికి రంగు కూడా మార్చవచ్చు.




ఇలా ఉంటుందన్నమాట..అర్ధమైంది కదా..



ఇలా quotes లో పెట్టాలనుకున్న భాగానికి మరిన్ని హంగులు చేర్చొచ్చు. ఫాంట్ స్టైల్ కూడా నచ్చినట్టుగా పెట్టొచ్చు.

మీ బ్లాగు టపాలో అందమైన స్మైలీలు కావాలా???

మీరు గమనించే ఉంటారు. ఈ మధ్య కొన్ని బ్లాగుల్లో అందమైన బుల్లి స్మైలీలు కనపడుతున్నాయి. మరి మీ బ్లాగు టపాల్లో కూడా అలా కావాలనుకుంటున్నారా? ఐతే సరే .. ఇలా కొన్ని మార్పులు చేయండి..

ఇక్కడో తిరకాసు ఉంది. ఈ స్మైలీలు మంటనక్క వాడేవాళ్లకు మాత్రమే అందుబాటులో ఉంది. మిగతా బ్రౌజర్లలో కూడా ప్రయత్నించి తర్వాత చెప్తాను.

1. ముందుగా మీరు Firefox బ్రౌజర్ ఓపన్ చేసి Grease Monkey అనే add-on ఇన్స్టాల్ చేసుకోండి. బ్రౌజర్ రీస్టార్ట్ చేయండి.

2.తర్వాత ఈ javascript ఫైల్ ఇన్స్టాల్ చేసుకోండి.

3. ఇప్పుడు మీరు Design విభాగంలోకి వెళ్లి Edit Html కి వెళ్లండి. ఇక్కడ మీరు మీ బ్లాగుయొక్క పూర్తి Html కోడ్ కనిపిస్తుంది . ఇక్కడ మీరు ]]></b:skin> కోడ్ వెతకండి.తొందరగా దొరకట్లేదు. అస్సలేమీ అర్ధం కావట్లేదు అంటారా?? ఒక సులువైన మార్గం చెప్తాను. Edit Html వెళ్లాక Ctrl F నొక్కండి. మీకు సెర్చ్ బాక్స్ వస్తుంది. అందులో పైన చెప్పిన కోడ్ కాపీ పేస్ట్ చేయండి. వెంటనే మీకు అది కనిపిస్తుంది.

4. ఇప్పుడు ఈ క్రింది CSS code ని ఇంతకు ముందు చెప్పిన కోడ్ ( ]]></b:skin> ) పైన పేస్ట్ చేసి సేవ్ చేయండి.

img.emoticon {
padding: 0;
margin: 0;
border: 0;
}

5. అంతే మీ బ్లాగులో ఎన్నో అందమైన స్మైలీలు పెట్టుకునే సులువైన సదుపాయం కల్పించబడింది. కొత్త పోస్ట్ రాసేటప్పుడు, పాత పోస్టు మార్పులు చేసేటప్పుడు ఇలా బాక్స్ కనిపిస్తుంది. మీకు కావలసిన స్మైలీ చేర్చుకోండి.



మరో విధానం కూడా ఉంది.
ఇందాకటి లాగే Design > Edit Html కి వెళ్లండి. అక్కడ Ctrl F తో సెర్చ్ బాక్స్ తెచ్చుకుని head వెతకండి. దానిపైన ఈ కోడ్ పేస్ట్ చేసి సేవ్ చేయండి. అంతే మీ బ్లాగు టపాలో కూల్ కూల్ స్మైలీస్ వస్తాయి..

screenshot/తెరపట్టు

నెట్ మీద పని చేస్తున్నపుడు మీకు ఏదైనా మ్యాటర్ కాని చిత్రం కాని నచ్చుతుంది.లేదా అవసరమవుతుంది. అది మీ సిస్టం లో సేవ్ చేసుకోవాలంటే ఎలా?. లేదా మీకు కంప్యూటర్ వాడకంలో వచ్చిన సమస్య ఎవరికైనా చెప్పాలి, చూపించాలి అంటే యిపుడు? వీటన్నింటికి సులువైన సమాధానం screenshot లేదా తెరపట్టు. మీకు కావలసిన అంశాన్ని అలాగే చిత్రంలా మార్చిప్ సేవ్ చేసుకోవచ్చు. ఎలాగో చూద్దాం..

మీ కీబోర్డ్ లో కుడివైపు అన్నిటికంటే పైన ఉన్న లైన్లో చూడండి. F కీస్ పక్కన printscreen అనే కీ ఉంటుంది. మీకు కావలసిన పేజికి వెళ్ళి ఆ కీ ని నొక్కండి. అపుడు ఆ పేజి ఒక ఇమేజ్ లా సేవ్ అయిందన్నమాట.






యిపుడు start మెనూలో paint ఓపన్ చేసి అక్కడ మౌసే రైట్ క్లిక్ చేసి పేస్ట్ చేయండి.ఇంతకు ముందు మీరు screenshot తీసుకున్నా చిత్రం అక్కడ ప్రత్యక్షమవుతుంది. దానికి ఒక పేరు ఇచ్చి సేవ్ చేసుకోండి.


మళ్ళీ ఆ చిత్రాన్ని మైక్రోసాఫ్ట్ పిక్చర్ మేనేజర్ లో ఓపన్ చేసి అనవసరమైన భాగం కట్ చేసి సేవ్ చేసుకోండి . యిపుడు మీకు కావలసిన చిత్రం తయారుగా ఉంది. ఒక్క విషయం ఎపుడు కూడా jpeg లేదా png లో సేవ్ చేసుకోండి.




యిపుడు windows7 లో snipping tool సాయంతో ఇంత కష్టపడకుండా చాల సులువుగా screenshot తీసుకోవచ్చు. start మెనూ నుండి snipping tool సెలెక్ట్ చేసుకుని మీకు కావలసిన మ్యాటర్ లేదా చిత్రాన్ని screenshot తీసుకోండి. మీరు ఆ పేజిలోనే కావలసినంత మాత్రమే సెలెక్ట్ చేసుకోవచ్చు.



మీరు సెలెక్ట్ చేసుకున్నా భాగాన్ని సేవ్ చేసుకోండి అంతే...

కొత్త బ్లాగర్లకు సూచనలు

కొత్తగా బ్లాగు మొదలెట్టాలని అనుకున్నారు. మంచిదే. బ్లాగర్ కి వెళ్ళి మీకంటూ ఒక సొంత బ్లాగు మొదలు పెట్టారు. అంతటితో పని పూర్తవ్వలేదుగా.. బ్లాగు రాయాలని నిర్ణయించుకున్నప్పుడు ముందు, తర్వాత కొన్ని విషయాల గురించి తెలుసుకుంటే మంచిది. అవి ఏంటో యిపుడు చూద్దాం..


ముందుగా బ్లాగు మొదలెడుతున్నాం. దానికోసం మంచి శీర్షిక లేదా టైటిల్ ఆలోచించి పెట్టుకోండి. ఎదో ఒకటి పెడితే ఎలా?. మన బ్లాగు అంటే మన సొంతిల్లు లాంటిది. అందమైన ఇంటికి అందమైన పేరు ఉండాలిగా?. బ్లాగు మొదలుపెట్టేటప్పుడు టైటిల్ ఇంగ్లీషులో ఇచ్చినా తర్వాత సెట్టింగ్స్ లో తెలుగులోకి మార్చుకోవచ్చు. తెలుగు బ్లాగు పేరు కూడా తెలుగులోనే ఉంటే బావుంటుంది కదా. అలాగే దానికో అందమైన ట్యాగ్ లైన్ కూడా పెట్టండి. ఇంకా అందంగా ఉంటుంది. మరో విషయం. మీరు బ్లాగు మొదలుపెట్టేటప్పుడు బ్లాగు అడ్రస్ అదేనండి url కూడా అందరికి మీకు కూడా ఈజీగా గుర్తుండేట్టు, సింపుల్ గా ఉండేట్టు చూసుకోండి.




dashboard నుండి settings Formattingకి వెళ్ళండి. అక్కడ ముందుగా చేయవలసిన ముఖ్యమైన మార్పులు. ప్రతి పేజిలో మూడు నుండి ఐదు పోస్టులు మాత్రమే వచ్చేట్టు చూడండి. ఎక్కువ టపాలు ఉంటే మీ బ్లాగ్ ఓపన్ అవడానికి చాలా టైం తీసుకుంటుంది. తర్వాత మీ పోస్టు ప్రచురించే తేది, సమయం గురించి పైన చెప్పినట్టుగా మార్చుకోండి.



ఇక కొత్త బ్లాగర్లు చేయవలసిన మరో ముఖ్యమైన పని.. కామెంట్లు రాసేవారికి పంటి కింది రాయిలా వచ్చే వర్డ్ వెరిఫికేషన్.
settings > comments విభాగంలో ఈ వర్డ్ వెరిఫికేషన్ కావాలా వద్దా అన్నదగ్గర వద్దు అనండి. అలాగే బ్లాగులో ఎవరైనా కామెంట్ రాయగానే మీకు తెలిసేట్టు మీ మెయిల్ ఐడి ఇవ్వండి. ఒకవేళ మీరు కామెంట్స్ మాడరేషన్ పెట్టుకోవాలనుకుంటే కూడా ఆ విధంగా మార్పు చేసుకోవచ్చు.

ఇక కొత్త బ్లాగర్లకు మరి కొన్ని సూచనలు.

బ్లాగు మొదలుపెట్టినందుకు అభినందనలు. ముందు మీరు ఏయే విషయాలు రాయాలనుకుంటున్నారో నిర్ణయించుకోండి. అలా అని ఒకే విధమైన రాతలు రాయాలని కాదు. మీ బ్లాగు మీ ఇష్టం. ఏదైనా విషయం పై టపా రాయాలంటే ముందు దానికి సరిపోయే విధంగా, అందరిని ఆకట్టుకునే విధంగా ఉండేట్టు టైటిల్ ఎంచుకోండి. తర్వాత మీ టపా రాయండి. వీలయితే దానికో చిత్రం పెట్టండి. మర్చిపోకుండా ప్రతి టపాకు లేబిల్ లేదా వర్గం ఇవ్వండి. తర్వాత మీరు కాని మీ బ్లాగు చదివేవారు కానీ పాట టపాలు చదవాలంటే ఆ వర్గాలు చాలా ఉపయోగపడతాయి. మీరు బ్లాగు మొదలుపెట్టగానే అందరూ పొలోమని వచ్చేయరు కదా. మరి ఎలాగంటారా. ముందుగా మీరు చేయాల్సింది ఏంటంటే... మీ బ్లాగులోనీ టపా రాసి కూర్చోకుండా మిగతా బ్లాగులకు వెళ్ళి టపాలు చదివి మీకు నచ్చితే కామెంట్ పెట్టండి. లేదంటే ఎందుకు నచ్చలేదో చెప్పండి. అలా చేస్తుంటే మీ గురించి పదిమందికి తెలుస్తుంది. మీ గురించి మీరే ఇరుగు పొరుగుకు పరిచయం చేసుకోవాలన్నమాట. మెల్లిగా ఇతర బ్లాగర్లు ఎవరా ఈ కొత్త వ్యక్తి అని మీ పేరు ఉన్న లంకె పట్టుకుని మీ బ్లాగుకు వచ్చి మీరు రాసిన టపా చదువుతారు. అలాగే మీ గురించి కొన్ని విషయాలు మీ ప్రొఫైల్ లో పెట్టండి. మరీ పర్సనల్ విషయాలు చెప్పొద్దు లెండి..

మరి మీరు రాసిన టపా అందరికి తెలియాలంటే ఎలా.. తెలుసుగా బ్లాగు సంకలినులు లేదా ఆగ్రిగేటర్లలో చేరాలి.


కూడలి ---- support@koodali.org
మాలిక -... admin@maalika.org
జల్లెడ --- http://dir.jalleda.com/index.php?show=add&PID=79

హారం --- http://haaram.com/Join.aspx
తెలుగు బ్లాగర్స్ ... http://www.telugubloggers.com/add-blog/

అగ్రిగేటర్స్ వివరాలు తెలుసుకున్నారుగా. మరి మీకు అప్పుడప్పుడు వచ్చే సందేహాలకు సమాధానాల కోసం , బ్లాగులకు, అంతర్జాలంలో తెలుగుకు సంబంధించిన చర్చలకోసం తెలుగు బ్లాగు గుంపులో చేరండి. http://groups.google.co.in/group/telugublog ఎవరో ఒకరు మీకు సమాధానమిస్తారు. సందేహాలు , సమస్యలు తీర్చడానికి ప్రయత్నిస్తారు.

వార్తా పత్రికలలో వ్యాసాలు

వివిధ వార్తా పత్రికలలో ప్రచురించబడిన వ్యాసాలను కాపీ చేసుకుని సేవ్ చేసుకోవాలనుకుంటే కొన్ని సమస్యలున్నాయి. ఎందుకంటే ఆయా పత్రికల వాళ్ళు వాడే ఫాంట్ ,మనం నెట్ లో వాడే యూనికోడ్ వేర్వేరు కాబట్టి. ఆయా పత్రికల ఫాంట్లు దిగుమతి చేసుకుని మన సిస్టంలో ఇన్స్టాల్ చేసుకుంటే మనం సులువుగా ఆ తెలుగు లేదా ఏ భాషైనా చదవడానికి అనువుగా ఉంటుంది.


ఆ పత్రికలోని వ్యాసం కాపీ చేసుకుని మన బ్లాగులో కాని, నోట్ పాడ్ లో కాని సేవ్ చేసుకుంటే ఇలా అర్ధం కాని లిపి కనిపిస్తుంది. పేపర్లో చదివితే తెలుగులాగే ఉంటుంది. మరి ఇలా ఎందుకు అయినదంటారా?.. ఫాంట్ సమస్య.. మరి ఏం చేద్దామంటారు.


మంటనక్క వాడే వాళ్ళ కోసం ఒక చిన్న ట్రిక్కు ఉంది. పద్మ అనే ఆడాన్ దించుకుంటే సరి.




మన కంప్యూటర్లో పద్మ ఉన్నంత కాలం వివిధ తెలుగు వ్యాసాలను సులువుగా కాపీ చేసుకుని బ్లాగులో కాని నోట్ పాడ్ లో కాని సేవ్ చేసుకోవచ్చు. అంతే చాలా ఈజీ కదా.



అలా కాదు మేము మంటనక్క వాడము అంటారా. ఐతే http://uni.medhas.org/ సైట్ కి వెళ్ళి మీకు కావలసిన పత్రికలను యూనికోడ్ లో చదవండి, కావలసిన వ్యాసాలు హాయిగా కాపీ చేసుకుని సేవ్ చేసుకోండి.


ఇక పత్రికలలో వచ్చిన వ్యాసాలు లేదా చిత్రాలను ఎలా సేవ్ చేసుకోవాలంటారా.. epaper లో పత్రికల పేజీలు ఇమేజ్ రూపంలో ఉంటాయి కాబట్టి ఈ ఫాంట్ గొడవ ఉండదు. మరి మనకు కావలసిన వ్యాసాలు ఎలా సేవ్ చేసుకోవాలంటారా. ముందుగా ఆ పత్రికలో మీకంటూ అకౌంట్ క్రియేట్ చేసుకోండి. తర్వాత ఆ పేపర్ తెరిచి మీకు కావలసిన పేజికి వెళ్ళండి. అందులో మీకు కావలసిన వ్యాసం మీద క్లిక్ చేయండి. ఆ వ్యాసం మాత్రమే విడిగా కొత్త పేజిలో ఓపన్ అవుతుంది. అప్పుడు ఆ పేజి మీద రైట్ క్లిక్ చేసి ఇమేజ్ లా మీ సిస్టంలోకి సేవ్ చేస్కొండి. తర్వాత ఆ చిత్రాన్ని మామూలుగా మెయిల్ చేసుకోవచ్చు. బ్లాగులో కూడా పెట్టుకోవచ్చు. మొదట్లో కాస్త తికమకగా ఉంటుంది. ఒకటి రెండు సార్లు చేస్తే అదే ఈజీ అవుతుంది.

మరో విషయం.. కొన్ని పత్రికలలో మనకు కావలసిన ఆర్టికల్స్ ఇమేజ్ లా కాకుండా పిడిఎఫ్ వెర్షన్ కూడా సేవ్ చేసుకోవచ్చు. కానీ అన్నింటిలో ముందు మన అకౌంట్ క్రియేట్ చేసుకోవడం తప్పనిసరి..

మహిళలూ - ఇది మీకోసమే...

కంప్యూటర్, అంతర్జాలం సాంకేతిక నిపుణులకు, రచయితలకు, సాహిత్యాభిలాషులకు మాత్రమేనా. మరి ఇంట్లోఉండే మహిళలకు ఈ అంతర్జాలం ఎలా ఉపయోగపడుతుంది. ఇలా అంటే చాలా చాలా ఉపయోగపడుతుంది అని చెప్పవచ్చు. ఉద్యోగాలు చేసే మహిళలేకాదు ఇంట్లోఉండే గృహిణులు కూడా అంతర్జాలసాయంతో ఎన్నో నేర్చుకోవచ్చు. కాసింత ఆసక్తి, ఓపిక ఉంటే చాలు. ప్రపంచం మన నట్టింట్లో ఉన్నట్టే అని అర్ధమైపోతుంది. :)

మరి ఏమేం నేర్చుకోవచ్చో చూద్దాం.
మీకు గోరింటాకు పెట్టడం, పెట్టించుకోవడం ఇష్టమా? పార్లర్ కి వెళ్లినా. ఎవరితో పెట్టించుకుంటే బోలెడు డబ్బు కావాలి. వివిధరకాలైన గోరింటాకు పద్ధతులు ఇంట్లో ఉండే నేర్చుకుంటే డబ్బు ఆదా, సంతృప్తి లభిస్తుంది.వీడియోలు కూడా ఉన్నాయి..

ఈ సైట్లు చూడండి మీకే అర్ధమవుతుంది.

http://www.mehndistyles.com/

http://www.mehndidesigns.com/

http://www.hennamehndi.in/

http://www.youtube.com/watch?v=IO4RCnf-zD8



ఫ్యాబ్రిక్ పెయింటింగ్

http://www.paintonfabric.com/freepattern.html

http://www.ethnicpaintings.com/painting-media/fabric-painting.html

http://www.metacafe.com/watch/2587818/fabric_painting/

http://www.youtube.com/watch?v=yu6bkKIVYnE

http://mumbai.olx.in/learn-fabric-painting-mueral-painting-pot-painting-and-canvas-painting-iid-9405231


మీకు కుట్లు, అల్లికలు ఇష్టమా? మంచి డిజైన్లు,కొత్త కొత్త కుట్లు నేర్చుకోవాలని ఉందా? ప్రతిదానికి వందలు పెట్టి పుస్తకాలు కొనాలా? అవసరం లేదు. ఇంటర్నెట్టు ముందు కూర్చుని ఓపిగ్గా వెతకండి. పుస్తకాలలో లేని కుట్లు,అల్లికలు డిజైన్లు దొరుకుతాయి. వీడియోలు కూడా చాలా ఉన్నాయి.

http://sadalas.blogspot.com/2010/01/badla-work-designs.html

http://www.embroiderersguild.com/stitch/projects/shisha/index.html

http://hand-embroidery.blogspot.com/2007/02/mirror-work.html

http://www.youtube.com/results?search_query=embroidery+&aq=f

http://www.sewingideas.com/

http://www.freeneedle.com/


మీకు కార్డులు, వాల్ హ్యాంగింగ్స్ లాంటి క్రాప్ట్స్ ఇష్టమా? కొనేబదులు ఇంట్లోనే చేసుకుంటే బావుంటుంది కదా? ఇంకెందుకు ఆలస్యం.


http://www.craftideas.info/

http://www.allfreecrafts.com/

http://www.craftsolutions.com/

http://www.mycraftbook.com/

http://www.craftideas.info/

http://www.webindia123.com/craft/paint/pot/potpaint.html

http://www.squidoo.com/painting-flower-pot


మీరు అందమైన కొవ్వొత్తులు ఇంట్లోనే తయారు చేయాలనుకుంటున్నారా. ఎలాగంటే...

http://www.pioneerthinking.com/candles.html

http://www.webindia123.com/craft/asp/craft.asp?c_id=258

http://www.youtube.com/watch?v=-IvwqjR8cbY

తంజావూరు పెయింటింగులు వేయడం చాలా కష్టం కదా. అసలు వాటిగురించిన సమగ్ర సమాచారం,వాటిని ఎలా వేయాలో తెలుసుకుందాం. అలాగే గ్లాస్ పెయింటింగ్ గురించి కూడా కనుక్కుందాం..

http://tanjorepaintingsart.blogspot.com/2007/11/method-of-making-thanjavur-paintings.html

http://www.youtube.com/watch?v=iDaDXd69--M

http://www.biggersglasspainting.com/

http://www.webindia123.com/craft/paint/glass/stain.html

http://video.google.com/videoplay?docid=-52771094177754212

http://www.ethnicpaintings.com/indian_painting_styles/glass/

ఇక అందరికి ఇష్టమైన వంటల గురించి మనకే తెలియని సైట్లు ఎన్నో ఉన్నాయి. భారతీయ వంటకాలను తెలిపే వివిధ వెబ్ సైట్లు ఇవి.

http://foodworld.redchillies.us/

http://www.sanjeevkapoor.com/

http://www.100topcookingsites.com/

http://www.tarladalal.com/

http://food.sify.com/

http://koodali.org/collections/cookery

ఇవేకాకుండా మీకు కావలసిన సమాచారం గూగులమ్మని అడిగితే వెంటనే ఇచ్చేస్తుంది. ఇంకెందుకు ఆలస్యం మొదలుపెట్టండి మీ శోధన....

యూనికోడ్ లో అను

అంతర్జాలంలో రాయడానికి మనం రాసే పధ్ధతి యూనికోడ్ అని అంటారు. అలాగే తెలుగు టైపింగ్ కోసం అను సాఫ్ట్ వేర్ వాడేవారికి కంప్యూటర్లో , బ్లాగులలో రాయడానికి లేఖిని, బరహ లాంటి ఫోనెటిక్ లే అవుట్లు వాడాల్సి ఉంటుంది. తమ వృత్తిరీత్యా అను వాడక తప్పనివారికి , ఈ ఫోనెటిక్ లే అవుట్ వాడడం వల్ల ఎన్నో ఇబ్బందులు ఎదుర్కోవాల్సి వస్తుంది. కాని ఇదే అను సాఫ్ట్ వేర్ తో యూనికోడ్ లో రాసే వీలు కల్పించారు వీవెన్. అనులో ప్రముఖంగా వాడే మాడ్యులర్ , యాపిల్ కీ బోర్డ్ లే అవుట్లను తయారు చేసారు. ఈ లే అవుట్లను తమ కంప్యూటర్లో నిక్షిప్తం చేసుకోవడం వల్ల అను సాఫ్ట్ వేర్ తో సులభంగా టైప్ చేసుకోవచ్చు.



ముందుగా ఇక్కడి నుండి మాడ్యులర్ కీ బోర్డ్ లే అవుట్ ని డౌన్లోడ్ చేసుకోండి. తర్వాత ఆ జిప్ ఫెయిల్ ని అన్ జిప్ చేయండి. అందులోని setup ఫైల్ ని రన్ చేయండి. కొద్ది సేపట్లో మీ సిస్టంలో మాడ్యులర్ కీబోర్డ్ లే అవుట్ ఇన్స్టాల్ అవుతుంది. ఇక మీరు పైన ఇచ్చిన చిత్రంలో చూపిన విధంగా టైప్ చేసుకోవచ్చు. Left Alt + Shift. నొక్కి మీరు తెలుగు ఇంగ్లీషు భాషల్లోకి మారవచ్చు. మామూలుగా మీరు అను మాడ్యులర్ తో టైప్ చేసినట్టే కాని కొద్ది మార్పులు చేయాల్సి ఉంటుంది అంతే..



అదే విధంగా కొందరు అనులో ఆపిల్ కీబోర్డ్ వాడుతుంటారు. మరి వాళ్ళు యూనికోడ్ లో టైప్ చేయాలంటే.. దానికి కూడా పరిష్కారం ఉంది.
ముందుగా ఇక్కడి నుండి ఆపిల్ కీబోర్డ్ లే అవుట్ ని డౌన్లోడ్ చేస్కొండి. జిప్ ఫైల్ ని అన్ జిప్ చేసి అందులోని setup ఫైల్ ని రన్ చేయండి. కొద్ది సేపట్లో మీ సిస్టంలో ఆపిల్ కీబోర్డ్ లే అవుట్ ఇన్స్టాల్ అవుతుంది. ఇక మీరు పైన ఇచ్చిన చిత్రంలో చూపిన విధంగా టైప్ చేసుకోవచ్చు.Left Alt + Shift. నొక్కి మీరు తెలుగు ఇంగ్లీషు భాషల్లోకి మారవచ్చు. మామూలుగా మీరు అను ఆపిల్ తో టైప్ చేసినట్టే కాని కొద్ది మార్పులు చేయాల్సి ఉంటుంది అంతే ..ఆపిల్ కీబోర్డ్ గురించి మరికొన్ని వివరాలు ఇక్కడ చూడండి..


అదే విధంగా అను లో మన దగ్గర ఉన్న సమాచారాన్ని చాలా సులువుగా యూనికోడ్ లోకి మార్చుకోవచ్చు. అను2యూనీకోడ్ కన్వర్టర్.


మాలిక ... తెలుగు బ్లాగుల సంకలిని

ఇటీవల మొదలైన మరో తెలుగు బ్లాగుల సంకలిని మాలిక. బ్లాగులలో ప్రచురించబడ్డ టపాలు, వ్యాఖ్యలు చాలా వేగంగా ఈ సంకలినిలో ప్రత్యక్షమవుతాయి. ఇదే ఈ మాలిక ప్రత్యేకత. అనతికాలంలోనే అత్యంత బ్లాగు ప్రజాదరణ పొందిన మాలిక గురించి మరిన్ని విశేషాలు తెలుసుకుందాం.


మాలిక ఓపన్ చేయగానే ముందుగా ఆకర్షించేది అందమైన ఫోటో పక్కనే వెబ్ పత్రిక వివరాలు. ఫోటోలు,వాటిని తీసిన బ్లాగర్ వివరాలు అన్ని పేజీలలో కనబడతాయి. ఈ ఫోటోలతో పాటు వెబ్ పత్రికలు కూడా అన్నిపేజీల్లో వస్తాయి.మాలికలో కనబడే వెబ్ పత్రికల టపాలు "రియల్ టైమ్" లో వస్తాయి. అంటే, అక్కడ వాళ్ళు ప్రచురించిన వెంటనే ఆలస్యం లేకుండా ఇక్కడ కనబడతాయి. ఇంతేకాక, మీరు రీలోడ్ చేసిన ప్రతిసారి పేజీలోని ఫోటో, వెబ్ పత్రికలు మారిపోతూ ఉంటాయి.




మాలికలోని టపాల పేజి క్లిక్ చేయగానే వివిధ బ్లాగుల్లో ప్రచురించబడిన కొత్త టపాల వివరాలు కనిపిస్తాయి. వాటి లంకెలు పట్టుకుని సదరు బ్లాగుకు వెళ్లవచ్చు. టపా రాసిన ఐదు నిమిషాలలోపల మాలికలో కనిపిస్తుంది.



మాలికలో ఉన్న మరో ఫీచర్ వ్యాఖ్యలు.. వివిధ బ్లాగు టపాలకు చదువరుల స్పందన ఇక్కడ చూడవచ్చు. ఈ వ్యాఖ్యలు మొత్తం మాలికలోనే చూడవచ్చు.


మాలికలో తెలుగు ఫోటో బ్లాగులకు ప్రత్యేకమైన విభాగం కేటాయించారు. అందమైన చిత్రాలతో కళకళలాడే బ్లాగులు ఇక్కడ చూడండి.


మీ బ్లాగు ప్రారంభించగానే అందరికి తెలియజేయాలనుకుంటే వెంటనే ఇక్కడ వివరాలు చూడండి. ఎటువంటి బ్లాగులు అనుమతిస్తారో మాలిక నిర్వాహకులు ఖచ్చితంగా చెప్తున్నారు..




బ్లాగు టపాల్లా పెద్ద పెద్ద వ్యాసాలు రాసే ఓపిక, ఆసక్తి లేనివారు ఇక్కడ కేక పెట్టొచ్చు అంటున్నారు. మీ పని చేసుకుంటూనే ఇక్కడ ముచ్చట్లాడుకోండి మరి..